اسلام آباد/ راولپنڈی ۔ 06 فروری (اے پی پی) بنگلہ دیش دی کرکٹ ٹیم پاکستان نال ڈو میچاں دی سیریز کیتے 17 سال بعد مومن الحق دی قیادت اچ ٹیسٹ میچ کھیڈنڑ کیتے پاکستان آئی اے ۔مہمان ٹیم چھیکڑی واری 2003ءاچ پاکستانی سرزمین تے کوئی ٹیسٹ میچ کھیڈیا ہا اتے حالی تئیں کوئی وی ٹیسٹ میچ نئیں جیت سگی۔(اج) جمعہ کوں شروع تھیونڑ آلا ٹیسٹ میچ آئی سی سی ورلڈ چیمپئن شپ دا حصہ اے ۔ بنگلہ دیشی ٹیم پہلے ٹیسٹ میچ توں بعد وطن ولا لگی ویسی اتے بعد چھیکڑی ٹیسڑ میچ کھیڈنڑ کیتے اپریل اچ ولسی۔بنگلہ دیشی ٹیم پہلی واری ایشین ٹیسٹ چیمپئن شپ کیتے 2001ءاچ پاکستان آئی ہئی اتے ڈوہاں ٹیماں وچال پہلا ٹیسٹ میچ ملتان کرکٹ سٹیڈیم اچ کھیڈیا گیا ہاجیڑھا پاکستان جیتئے ۔بنگلہ دیش پاکستانی سرزمین تے کلہی ٹیسٹ سیریز 2003ءاچ کھیڈی ہئی۔
