انقرہ ۔ 7 فروری (اے پی پی)ترکی دے ضلع وان دی تحصیل باہچے سرائے اچ برفانی بھکل ڈھنڑ دے حادثے دے بعد جاری امدادی کاروائیاں اچ برف نال ہک بئی لاش کڈھ گھدی گئی اے جیں دے بعد ایں حادثے اچ 39لوکاں دی موت تھی گئی اے جڈاں جو 53بندے زخمی ہن ۔ ترک ذرائع ابلاغ دے مطابق جینڈر میری ریسکیو اتے محکمہ آفات و ہنگامی حالات اے ایف اے ڈی دیاں ٹیماں علاقے اچ امدادی کاروائیاں کریندیاں پن۔امدادی کماں اچ تربیت یافہ کتیں دی مدد گھدی ویندی پئی اے ۔اندازے دے مطابق برف دے تلوں حالی تئیں ہک یا ڈو لوکاں دیاں لاشاں موجود ہن ۔
