راولپنڈی ٹیسٹ؛فاسٹ بالر نسیم شاہ بنگالی بیٹسمیناں دے پیر پٹ ڈتن،پاکستان جیت دے نیڑے پج گئے،صرف چار وکٹاں دی لوڑھ

راولپنڈی۔ 9 فروری (اے پی پی)راولپنڈی ٹیست دے تریجھے ڈینھ پاکستان 342رنزترائے کھلاڑی آوٹ توں اننگ ولا شروع کیتی تاں ڈوجھی ہی بال تے بابر اعظم اپنڑے کل دے سکورہک سو ترتالی رنز اچ کوئی ودھارا کلیتے بغیر پویلن ول گین،ڈوجھے پاسو اسد شفیق وی 65رنزبنڑا تے وکٹ ڈے بیٹھن جیندے بعد رضوان وی ڈاہ رنز تے آوٹ تھی گئے۔این موقع تے ہک پاسو حارث سہیل ڈٹیے رہین اتے میدان دے چارے پاسوشاٹ کھیڈدے ہوئے ففٹی بنڑائی بھل ڈوجھے اینڈ تے کوئی وی کھیڈاڑی انہاں داہتھ نئیں ونڈا سگیااتے بنگلہ دیشی بالراں باقی ٹیم 445رنزتے آوٹ کر ڈتی۔ حارث سہیل 75رنز بنڑا تے آوٹ تھین اتے پاکستان کوں بنگلہ دیش تے پہلی اننگزاچ 212 رنز دی وتھی ملی۔بنگلہ دیش ولوں ابو زید اتے روبیل حسین ترائے ترائے اتے تیج الاسلام ڈو وکٹاں گھدن۔ولدے اچ بنگلہ دیش ڈوجھی اننگ شروع کیتی ۔39دے سکور تے نسیم شاہ پہلی کامیابی گھدی اتے سیف حسن دی وکٹ اڈائی ۔ڈوجھے پاسو یاسر شاہ وی تمیم اقبال کوں 34رنز تے پویلین ٹور ڈتا۔تریجھی وکٹ دی شراکت تے نجم الحسین شانتو اتے کپتان مومن الحق سنبھل تے کھیڈین اتے رل تے 71رنزجوڑین بھل فاسٹ بالر نسیم شاہ ،نجم الحسن شانتو دی اننگ 38رنزتے مکا ڈتی اتے اگلی ہی گیند تے نائٹ واچ مین تیج الاسلام کوں وی ایل بی ڈبلیو کر ڈتے۔نسیم شاہ کامیاب ہیٹرک بال کرائی اتے تجربہ کار بنگالی بیٹسمین محمد محمود اللہ کوں سلپ اچ کیچ کراتے ہیٹ ٹرک کیتی۔میچ دے تریجھے ڈینھ کھیڈ مکیا تاں بنگلہ دیش 6وکٹاں تے 126رنزبنڑائے ہن اتے اوکوں اننگز دی ہار توں بچنڑ کیتے بئے86رنزلوڑھ ہین۔