اقوام متحدہ۔ 4 فروری (اے پی پی) اقوام متحدہ دے عالمی ادارہ صحت خبردار کیتے جو گھٹ آمدنڑ آلے ملکاں اچ علاج دیاں سہولتاں اچ کمی پاروں 2040تئیں کینسر دی شرح 81فیصد تئیں ودھ ویسی ۔اے گال عالمی ادارہ صحت دی طرفوں جاری کیتی گی ہک رپورٹ اچ ڈسائی گی اے ۔عالمی ادارہ صحت دے ڈائریکٹر جنرل ٹیڈروس ایڈہینم گیبریسس ڈسائے جو اناہں ملکاں کینسر دے خلاف لڑنڑ دی بجائے زچگی تے بال دی صحت کوں بہتر کرنڑ تے بہوں ساریاں بیماریاں دے علاج تے اپنڑے محدود وسائل مرکوز کرنڑ دی ایہا وجہ اے جو انہاں اچ اکثر دی موت کینسر پاروں تھیندی اے ۔ عالمی ادارہ صحت ڈسائے جو اے ملک پبلک ہیلتھ سسٹم دے تحت کینسر دے جامع علاج کیتے15فیصد توں وی گھٹ سہولتاں ڈیندن جڈاں جو ایندے مقابلے اچ اے تناسب امیر اتے ترقی یافتہ ملکاں اچ 90 فیصد توں ودھ اے ۔کینسر توں بچنڑ دے عالمی ڈینھ دے موقع تے عالمی ادارہ صھت تے ایندے کینسر تے تحقیق دی بین الاقوامی ایجنسی ڈو رپورٹاں جاری کیتن جیں اچ ہک کینسر تے عالمی ایجنڈا تے تے ڈوجھی کینسر توں بچنڑ تے تحقیق تے مبنی ہئی ۔رپورٹ اچ ڈسایا گے جو تماخوں کینسر دا سبب بنڑدے جیں تے قابو پاونڑ نول موت توں بچیا ونج سگدے ، ہیپاٹائٹس بی اتے ایچ پی وی دے خلاف ویکسینینش توںجگر اتے بیاں قسماں دے کینسر توں بچیا ونج سگدے ۔
