بیجنگ ۔ 12 فروری (اے پی پی) چین اچ کورونا وائرس پاروں 4,740 متاثرہ لوک صحت مند تھی تے ہسپتالاں توں ڈسچارج تھی گن جڈاں جو کورونا وائرس پاروں ہلاکتاں دی تعداد 1,100 تھی گی اے ۔چین دے نیشنل ہیلتھ کمیشن روزانہ دی جاری کیتی گی رپورٹ اچ ڈسائے جو منگل دے ڈینھ تئیں صوبہ ہوبی اچ 417 مریضاں سمیت 744 لوک صحت یاب تھیونڑ دے بعد ہسپتالاں توں ڈسچارج تھن جڈاں جو کورونا وائرس نال مجموعی طور تے 1,113 لوک مرگن تے31 صوبائی علاقیں اچ 44,653 متاثرہ کیسز رپورٹ تھن۔ ایں حوالے نال عالمی ادارہ صحت دے ڈائریکٹر جنرل ٹیڈ روز ایڈھنوم کورونا وائرس دے خلاف جنیوا اچ پہلی انٹرنیشنل کانفرنس اچ سائنس داناں نال خطاب کریندے ہوئیں وائرس کوں وڈا سنگین خطرہ قرار ڈتے۔
