واشنگٹن۔ 07 فروری (اے پی پی) امریکی صدر ڈونلڈ ٹرمپ آکھیے جو امریکہ یمن اچ انسداد دہشت گردی دی ہک کارروائی دے دوران القاعدہ دے رہنما قاسم الریمی کوں ہلاک کرڈتے ۔برطانوی خبر رساں ادارے دے مطابق ہک بیان اچ ٹرمپ آکھیے جو ریمی دے دور اچ القاعدہ دے عرب گروہ یمن اچ انسانیت سوز ظلم کیتے تے امریکہ تے امریکی فوج دے خلاف بہوں سارے حملیں دی کوشش کیتی ۔انہاں دی موت القاعدہ دی پوری دنیا اچ چلنڑ آلی تحریک تے القاعدہ دے عرب گروہ کوں کمزور کریسی تے اساکوں ایجھے گروہاں کوں مکاونڑ دے نیڑے گھن آسی جیرھا جو اساڈی قومی سلامتی کیتے خطرہ اے۔ ٹرمپ اے بیان گزریل ڈینھ جاری کیتا ہئی تاں جو اے واضح کائنی کیتا گیا جو کڈاں ماریا گے ۔
