اسلام آباد ۔ 25 مارچ (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو اپوزیشن تنقید دے نال تجویز وی ڈیوے ،ساریاں سیاسی جماعتاں حکومت دے مونڈھے نال مونڈھا رلا تے چلن ،کرونا کوں ہراونڑ کیتے قومی ہم آہنگی دی ضرورت اے۔وزیراعظم عمران خان دی قیادت اچ احسن اقدامات ،صوبائی حکومتاں دے نال رل تے عوام دی طقت تے میڈیا دے تعاون نال کرونا وائرس کوں مار بھجیسوں ، سابق وزیراعلی اتے موجود اپوزیشن لیڈر دا خطاب حسین خواہشات تے مبنی اے، حکومت دے کورونا وائرس کوں روکنڑ کیتے اقدامات کوں تنقید دا نشانہ بنڑایا گیا او بدھ کوں تھاں وفاقی کابینہ دے اجلاس دے بعد بریفنگ دے دوران گال مہاڑ کریندیاں پیاں ہن ۔ وزیراعظم دی معاون خصوصی ڈاکٹر فردوس عاشق اعوان آکھیے جو اپوزیشن لیڈر دا خطاب حسین خواہشات تے مبنی روڈ میپ ہئی جیرھا جو میڈیا دے ذریعے قوم دے سامنڑے پیش کرتے حکومت کوں ہدایت ڈی گی اے جو اے اقدامات وختی کیتے ونجن ۔
