اسلام آباد۔11مارچ(اے پی پی )کراچی دی ضلعی حکومت شہر دے چھی ضلعیں اچ تماخوں نوشی روکنڑ کیتے قانون تے عمل درآمد شروع کرڈتے۔جیں دی ساریں توں پہلی ترجیح تماخوں نوشی نہ کرنڑ آلے شہریاں کوں تماخوں جیں اچ سگریٹ دے دھوئیں توں بچاونڑ دی ہوسی ،جڈاں جو شہر دیاں ساریاں عوامی جہیں تے پبلک ٹرانسپورٹ اچ تمباخوں نوشی روکنڑ کیتے قانون تے عمل درآمد یقینی بنڑایا ویسی۔ایں مہم دا آغاز وفاقی وزارت نیشنل ہیلتھ سروسز، ریگولیشن اینڈ کو آرڈینیشن دی سانجھ نال ایں عزم دے نال کیتا گئے جو 166,000پاکستانی تمباخوں دے استعمال پاروں ہر سال ہلاک تھی ویندن انہاں دیاں قیمتی جاناں کوں بچایا ونج سگے۔کمشنر کراچی افتخار شلوانی پر ہجوم اجلاس جیں اچ سارے ڈپٹی کمشنر، پولیس، رینجرز، محکمہ صحت، محکمہ تعلیم، ایکسائز، ہارٹیکلچر اتے محکمہ فوڈ دے اعلی افسر موجود ہن انہاں نال خطاب کریندے ہوئیں وفاقی وزارت قومی صحت دے تمباخوں نوشی روکنڑ متعلق پورے ملک اچ کیتے ونجنڑ آلے اقدامات دی تعریف کیتی تے کراچی اچ ایں مہم اچ ضلعی حکومت دی طرفوں تعاون دا یقین ڈیوایا گیا۔ایں موقع تے کمشنر کراچی ولوں موبائل ایپلیکیشن “اسموک فری پاکستان “دا باقائدہ آغاز کیتا گیا، ایں ایپلیکیشن دے ذریعے پورے ملک اچ موبائل استعمال کرنڑ آلے صارفین تماخوں نوشی روکنڑ دے قوانین دیاں خلاف ورزیاں کوں رپورٹ کرسگسن۔وزارت قومی صحت “اسموک فری پراجیکٹ”دا آغاز اسلام آباد توں کیتا ہئی جڈاں جو ہنڑ ایں پراجیکٹ دا دائرہ کار پنجاب تے خیبرپختونخواہ دے 5ماڈل ضلعیں تئیں پجا ڈتا گئے۔جڈاں جو ہنڑ 20ملین توں ودھ آبادی دا شہر کراچی تماخوں دے استعمال پاروں تھیونڑ آلیاں ہلاکتاں تے معاشی ضیان توں بچنڑ دی مہم دا حصہ ہوسی۔ڈاکٹر منہاج اسسراج ڈائریکٹر تمباکو کنٹرول، وفاقی وزارت قومی صحت کمشنر کراچی اتے انہاں دی ساری ٹیم دے آندیاں نسلاں کوں تماخوں توں محفوظ رکھنڑ تے تماخوں دے استعمال نال کینسر جیہاں مہلک بیماریاں توں بچنڑ سانگے کیتے گے اقدام تے عزم دی تعریف کیتی تے تمباکو کنٹرول ڈیئریکٹوریٹ ولوں تعاون دا یقین ڈیوایا گیا۔
