وزیراعظم عمران خان، پاکستان پیپلز پارٹی دے چیئرمین بلاول بھٹو زرداری اتے مسلم لیگ (ن) ولوں خواجہ محمد آصف ، وزیر خارجہ شاہ محمود قریشی، سابق وزیراعظم راجہ پرویز اشرف، سینیٹر مولانا عبدالغفور حیدری، رکن قومی اسمبلی شاہدہ اختر علی، معاون خصوصی ڈاکٹر ظفر مرزا، چیئرمین این ڈی ایم اے لیفٹیننٹ جنرل محمد افضل سمیت بئے ارکان پارلیمنٹ تے متعلقہ سرکاری اداریں دے اعلیٰ افسراں دی شرکت
اسلام آباد ۔ 25 مارچ (اے پی پی) کورونا وائرس دی صورتحال تے پارلیمانی کمیٹی دے قیام کےتے سپیکر قومی اسمبلی اسد قیصر دی زیر صدارت ویڈیو کانفرنس بدھ کوں پارلیمنٹ ہاوس اچ تھئی جیں اچ ویڈیو لنک دے ذریعے وزیراعظم عمران خان، پاکستان پیپلز پارٹی دے چیئرمین بلاول بھٹو زرداری اتے مسلم لیگ (ن) ولوں خواجہ محمد آصف شرکت کیتی جڈاں جو اجلاس اچ وزیر خارجہ شاہ محمود قریشی، سابق وزیراعظم راجہ پرویز اشرف، سینیٹر مولانا عبدالغفور حیدری، رکن قومی اسمبلی شاہدہ اختر علی، وزیراعظم دے معاون خصوصی ڈاکٹر ظفر مرزا، چیئرمین این ڈی ایم اے لیفٹیننٹ جنرل محمد افضل سمیت بئے ارکان پارلیمنٹ تے متعلقہ سرکاری اداریں دے اعلیٰ افسراں شرکت کیتی ۔ کانفرنس دے آغاز تے سپیکر قومی اسمبلی اسد قیصر سارے شرکا دا خیر مقدم کریندے ہوئیں آکھیے جو ایں کانفرنس دا مقصد کورونا وائرس دی صورتحال نال نبڑنڑ کیتے پارلیمانی کمیٹی دا قیام اے۔ وزیراعظم عمران خان کمیٹی دے ارکان دا خیرمقدم کیتے تے تفصیلی طور تے کورونا وائرس دے حوالے نال ہنڑ تئیں دے چاتے ونجنڑ آلے اقدامات بارے ڈسائے تے کمیٹی کوں یقین ڈوینداں جو او پارلیمانی کمیٹی دی سفارشات کوںنیشنل کوآرڈینیشن کمیٹی اچ پیش کریسن۔ وزیراعظم دے معاون خصوصی ڈاکٹر ظفر مرزا کورونا وائرس دے حوالے نال ساری تفصیلات دا کمیٹی کوں ڈسایا ۔
