لاہور۔17 اپریل(اے پی پی )وزیرصحت پنجاب ڈاکٹر یاسمین راشد کورونا صحت مشاورتی ہیلپ لائن دا افتتاح کرڈتے۔اے ہیلپ لائن کورونا وائرس دی وباءپاروں ذہنی تناو داشکارلوکاں کوں نفسیاتی مشاورت ڈیسی جیندے کیتے ہیلپ لائن نمبر0304-1110116 تے مفت کال کیتی ونج سگدی اے۔ ہیلپ لائن دی لانچنگ اتے پروموشن اچ مائنڈ آرگنائزیشن، لیب پی کے تے ٹیلی کام کمپنی جاز تیکنیکی ومالی معاونت ڈتی اے ۔اے مفت ہیلپ لائن سروس سنوار توں چھنڑ چھنڑ تئیں صبح 9تا شام 5بجے تئیں ہوسی۔ایں موقع تے ڈاکٹر یاسمین راشد آکھیے جو کورونا وائرس دا شکارمریضاں دے اہل خانہ اتے گھراں تئیں رہ ونجنڑ آلے لوکاں تے بیماری دے نفسیاتی اثرات دا مشاہدہ کیتا ویندا پئے،شکر اے جو حکومت دی چنگی حکمت عملی پاروں پاکستان اچ جگ دے مقابلے اچ کورونا وائرس دی شدت بہوں گھٹ اے،لوکاں کوں سوکھ ڈیونڑ کیتے حکومت ودھا قدامات کریندی پئی اے۔
