اسلام آباد ۔ 23 اپریل (اے پی پی)وفاقی وزارت اطلاعات ونشریات آئندہ مالی سال دے بجٹ اچ پی ایس ڈی پی دے تحت وزارت دی 8نویں ترقیاتی سکیماں کیتے 1.046 ارب روپے رکھنڑ دی تجویزڈتی اے۔انہاں سکیماں اچ قومی خبررساں ادارہ اے پی پی دے نیوزآپریشنز دی تشکیل نوکیتے 746.9 ملین روپے دی لاگت دا منصوبہ وی شامل اے،جیندے اچ اسلام آباد، لاہور، کراچی ، کوئٹہ، پشاور اتے مختلف شہراںاچ بئے سٹیشناں تے پر انے آلات دی بجائے جدیدترین آلات دی ٹیکنالوجی لائی ویسی اتے اے پی پی دی خبری خدمات بشمول آئی پی ٹی وی، سوشل میڈیا، ویب اتے ویڈیوسروسز اپ گریڈ کرتے ایکوں جدیدترین ٹیکنالوجی نال اگو تے ودھایا ویسی۔وفاقی سیکرٹری اطلاعات ونشریات اکبرحسین درانی دی زیر صدارت اجلاس اچ نویںترجیحی منصوبیاں کوں حتمی شکل ڈتی گئی ۔وزارت اطلاعات 20 براڈکاسٹنگ ہاوسز اچ 45 سٹوڈیوز اپ گریڈ کرنڑ ،اسلام آباددے سیکٹرایچ نائن اچ اے پی پی دے پلاٹ تے آفس بلڈنگ بنڑاونڑ کیتے فیزایبلٹی سٹڈی دے 15 ملین روپے رکھنڑ،پاکستان انفارمیش سینٹرز فیزون دے قیام دی تجوزی شامل اے جیندے نال قومی میڈیا دے اجتماعی عمل دی استعدادودھائی ونج سگسی۔وزارت اطلاعات آئندہ مالی سال دے سالانہ ترقیاتی پروگرام اچ پاک چائنا فرینڈشپ سینٹر اچ مجوزہ پاکستان میڈیا یونیورسٹی دی فیزایبلٹی سٹڈی کیتے 17 ملین روپے مختص کرنڑ دی سفارش کیتی اے۔وزارت اطلاعات ، وزارت اتے ذیلی وماتحت اداریاں کیتے اکاموڈیشن دی کثیرمنزلہ عمارت دی فیزایبلٹی سٹڈی کیتے 20 ملین روپے مختص کرنڑ دی سفارش کیتی اے جڈاں جو کراچی اچ انفارمیشن سینٹردے قیام دی فیزایبلٹی سٹڈی کیتے 15 ملین روپے تے وزارت اچ آٹومیٹڈانفارمیشن رپورٹنگ نظام کیتے 23.192 ملین روپے رکھنڑ دی تجویز ڈتی گئی اے۔
