اسلام آباد ۔ 23 اپریل (اے پی پی) وفاقی وزیر برائے تعلیم و پیشہ وارانہ تربیت شفقت محمود آکھیا جو ٹیلی سکول نال تعلیم ڈیونڑ نال بالاں اتے والدین دا رد عمل گھنڑ سانگے طریقہ کار بنڑیندے پیوں،اے ٹیلی ویژن سکول تعلیم بالغاں،سکول نہ ونجنڑ آلے بالاں کوں تعلیم ڈیونڑ اتے استادیں دی تربیت سانگے وی استعمال کیتا ونج سگدے۔اے گالھیں انہاں خمیس کوں اسلا م آباد کالج فار گرلز ایف سکس اچ تقریب نال خطاب کریندیں ہوئیں ااکھی۔ایں موقع تے صدرمملکت ڈاکٹر عارف علوی وی موجود ہن۔انہاں آکھیا جو کورونا دی وبا دے خلاف پوری قوم کٹھی تھی گئی اے۔انہاں آکھیا جو فاصلاتی تعلیم کوں ودھاونڑ دا اے چنگا موقع اے۔ایں موقع تے گالھ مہار کریندیں ہوئیں پارلیمانی سیکرٹری برائے تعلیم تے پیشہ وارانہ تربیت وجیہہ اکرم آکھیا جو استادیں اتے پوری ٹیم بالاں کوں تعلیم ڈیونڑ سانگے پوری محنت کریندی پئی اے۔
