اسلام آباد۔ 4 اپریل (اے پی پی) سپیکر قومی اسمبلی اسد قیصر کورونا وائرس متعلق عوام کوں آگاہی ڈیونڑ اچ میڈیا دے ذمہ وار کردار دی تعریف کریندے ہوئیں آکھیے جو کورونا وائرس دے کھنڈنڑ کوں روکنڑ اچ میڈیا دا کردار اہمیت رکھیندے ، مغربی میڈیا دی نسبت پاکستانی میڈیا کورونا وائرس روکنڑ کیتے آگاہی مہم اچ ذمہ دارانہ رپورٹنگ کیتی اے ۔ ہفتے کوں ہک بیان اچ انہاں آکھیے جو نامساعد حالات دے باوجود میڈیا دی فرنٹ لائن تے رپورٹنگ قابل تعریف اے، کورونا وائرس روکنڑ کیتے میڈیا دے کردار کوں ہمیشہ یاد رکھیا ویسی ۔ میڈیا عوام کوں صحیح معنے اچ وائرس دے کھنڈنڑ کوں روکنڑ متعلق احتیاطی تدابیر اپناونڑ بارے ڈسائے ٹاک شوز دے ذریعے بین الاقوامی ماہر ڈاکٹرز دے مشوریں نال عوام اچ وائرس متعلق شعور اجاگرتھئے۔ انہوں آکھیے جو پاکستانی میڈیا ہر اوکھے ویلھے ملک تے قوم دا سر اچا کیتے ۔کرونا وائرس دی وبا نال حکومت تے میڈیا اتے عوام دے تعاون نال ہی نبڑیا ونج سگدے ۔
