ملتان۔26 مئی (اے پی پی)وزیرخارجہ مخدوم شاہ محمود قریشی آکھیا جو بھارت اساڈے تحمل کوں کمزوری نہ سمجھے،کہیں وی مہم جوئی دا منہ بھن جواب ڈیسوں،ے گالھیں انہاں ملتان اچ عید دی نمازدے بعد میڈیا نال گالھ مہاڑ کریندیں ہوئیں آکھی۔انہاں آکھیا جو کوروناوائرس دے مقابلے سانگے علاقائی تعاون دی لوڑھ اے۔پاکستان عالمی وباءدے مقابلے سانگے وزرائے صحت کانفرنس دا اہتمام کیتے۔انہاں آکھیا جو میں بھارتی حکومت کوں نشابر سنیھا ڈیونڑ چاہنداں جو بھارت اساڈے تحمل کوں کمزوری نہ سمجھے،کہیں وی مہم جوئی دا منہ بھن جواب ڈیسوں۔انہاں آکھیا جو میں اقوام متحدہ دی سیکرٹری جنرل نال فون تے گالھ کیتی اے اتے انہاں کوں ساری صورتحال بارے ڈسائے،میں اقوام متحدہ دے سربراہ کوں ڈسائے جو بھارت دنیا دی توجہ کشمیر اچ تھیونڑ آلے ظلم توں ہٹاونڑ چاہندے،انہاں بھارت دے فالس فلیگ آپریشن بارے وی ڈسائے۔انہاںآکھیا جو میں اسلامی کانفرنس تنظیم دے سربراہ نال وی گالھ کیتی اے اتے انہاں کوں بھارت دے اسلاموفوبیا بارے ڈسائے اتے انہاں کوں ڈسائے جو بھارت اچ کوروناوائرس وچال وی مسلماناںکوں نشانہ بنڑایا ویندا پئے،اسلامی کانفرنس تنظیم کوں ایں بارے اپنڑاں کردار ادا کرنڑاں چاہیدے۔وزیرخارجہ آکھیا جو اقوام متحدہ دی سلامتی کونسل دے صدر کوں وی ہک خط لکھیے اتے انہاں کوں بھارتی عزائم بارے پاکستان دے تحفظات بارے ڈسیے۔انہاں میڈے جذبات بارے عالمی برادری کوں وی ڈسا ڈتے۔انہاں آکھیا جو وزارت خارجہ اچ عید دے بعد ہک اعلیٰ سطح دا اجلاس سڈیا ویسی تانجو پاکستان دے خلاف بھارت دے مزموم عزائم دا مقابلہ کرنڑ سانگے لائحہ عمل بنڑایا ونجے۔انہاں آکھیا جو کشمیرکمیٹی،متعلقہ وزارتاں اتے محکمیاں دے عہیدیدار اجلاس اچ شریک تھیسن۔بلوچستان اچ سکیورٹی فورسز تے حملیاں بارے سوال دے جواب اچ وزیرخارجہ آکھیا جو ایں وچ کوئی شک کائنی جو بھارت بلوچستان اچ بدامنی پیدا کرنڑ چاہندے۔انہاں آکھیا جو بھارت اساڈے تحمل کوں کمزوری نہ سمجھے،کہیں وی مہم جوئی دا منہ بھن جواب ڈیسوں۔
