اسلام آباد ۔ 26 مئی (اے پی پی) وفاقی وزیر سائنس اینڈ ٹیکنالوجی چوہدری فواد حسین آکھیے جو کالا پانڑیں دے جھیڑے تے نیپالی حکومت دا بیان ایں گال دا ثبوت اے جو بھارت خطے اچ عدم استحکام پیدا کرنڑ دی کوشش کریندا پئے تے بھارتی وزیراعظم نریندر مودی دی حکومت تباہی دے رستے تے ٹردی پئی اے ۔منگل کوں اپنڑے ٹویٹ اچ چوہدری فواد حسین نیپال دے نائب وزیر اعظم اتے وزیر دفاع اشوور پوکھریل دے بیان دا حوالہ ڈتا جیں اچ انہاں بھارتی فوج دے سربراہ جنرل منوج نروانے دے بیان کوں اپنڑے ملک تے گورکھا برادری دی توہین قرار ڈتے ۔ چوہدری فواد حسین اپنڑے ٹویٹ اچ سوال چاتے جو نیپالی وزیر دفاع دا بیان ایں گال دا ثوبت اے جو ایں خطے دا ہک ملک بھارت خطے اچ عدم استحکام پیدا کرنڑ دی کوشش کریندا پئے تے ڈوجھیں دے معاملات اچ مداخلت کرنڑ دی کوشش نی کریندا پیا ؟ اتے کیا بھارت دی مودی سرکار ہک ایجھے رستے تے نی چلدی پئی جیرھا تباہی دے پاسے ویندے ۔
