اسلام آباد ۔ 23 مئی (اے پی پی) ڈپٹی اسپیکر قومی اسمبلی قاسم خان سوری اپنڑے نکے بھرا بلال خان سوری دی صحت یابی کیتے دعاواں دی اپیل کیتی اے ۔قومی اسمبلی سیکرٹریٹ میڈیا آفس توں جاری بیان دے مطابق ڈپٹی سپیکر چھوٹے بھرا دی طبیعت خراب تھیونڑ تے انہاں کوں وختی علاج کیتے اپنڑے نال آغا خان یونیورسٹی ہسپتال کراچی گھن گئے ، بلال خان سوری دا کورونا ٹیسٹ پازیٹیو آونڑ دے بعد او گزریل 16 ڈینھ توں قرنطینہ اچ ہن تے ڈو ڈینھ پہلے صحت یاب تھیونڑ تے انہاں دا کورونا ٹیسٹ نیگیٹو آیا ہئی لیکن گزریل رات انہاں دی طبیعت اچانک خراب تھیونڑ تے انہاں کوں ڈپٹی اسپیکر قومی اسمبلی علاج کیتے اپنڑے رلے کراچی تھن گئے ۔ڈپٹی اسپیکر قومی اسمبلی سارے دوست و احباب، پارٹی رہنماواں تے کارکناں اتے عوام توں اپیل کیتی اے جو او بلال خان سوری دی صحت کیتے دعا کرن
