اسلام آباد ۔ 6 مئی (اے پی پی) محکمہ موسمیات دے مطابق آندے 24 گھنٹے دے دوران کشمیر اتے گلگت بلتستان اچ کجھ جہیں تے اندھاری تے کھمنڑ دے نال مینھ وسنڑ دا امکان اے جڈاں جو ملک دے بئے علاقیں اچ موسم رکھا رہ ویسی ۔ نجی ٹی وی چینل دے مطابق گزریل 24 گھنٹے دے دوران پنجاب ، خیبر پختونخوا، گلگت بلتستان اچ مینھ وسیا ۔ پنجاب،بہاولنگر 2 ، قصور اچ ہک ،دیر20، مالم جبہ 3، بالاکوٹ2، کاکول ایک ، گلگت بلتستان ، گوپس 6 ، بونجی 4 اتے چلاس اچ 3ملی میٹر مینھ وسیا جڈاں جو ملک دے بئے علاقیں اچ موسم رکھا رہیا ساریں توں ودھ درجہ حرارت ، تربت5 4، شہید بینظیر آباد، دادو، مٹھی ،چھور ، لسبیلہ 44ڈگری سینٹی گریڈ ریکارڈ کیتا گئے ۔
