اسلام آباد ۔ 4 جون (اے پی پی)وفاقی وزیرصنعت وپیداوارحماداظہر آکھیے جو حکومت پاکستان سٹیل ملز دے آپریشنز دی نجکاری دا فیصلہ کیتے کیوں جو ادارہ چٹا ہاتھی بنڑ گئے ، تے اے قومی خزانے اتے ہک بوجھ اے ،موجودہ حکومت اقتدار اچ آئی تاں سٹیل ملز پاکستان کوں 176ارب دے گھاٹے دا سامنڑاں ہئی ۔ایندا سود وی ودھدا پیا ہئی ماضی دیاں حکومت ایں ایشو کوں حل کائنی کیتا۔ ایں کیتے موجودہ حکومت کوں ملکی مفاد اچ ایندا حتمی حل لبھنڑاں پئے ۔ اے گال انہاں ہزاراں ایکڑ زمین بدستور پاکستان سٹیل ملز کارپوریشن ڈے رہسی ،۔ اے گال انہاں پاکستان سٹیل ملز دے چئیرمین امیرممتازاتے منیجنگ ڈائریکٹرشیرعالم دے رلے خمیس کوں اتھاں پریس بریفنگ اچ آکھی اے۔ وفاقی وزیر آکھیے جو سٹیل ملازمین کوں 23 لکھ روپے فی کس دی شرح نال ادائیگی کیتی ویسی۔ ایندے علاوہ ملازمین نجی شعبے اچ اپنڑیاں خدمات وی ڈے سگدن۔ انہاں آکھیے جو 2008-09 اچ پیپلز پارٹی دے دوراچ پاکستان سٹیل ملز منافع ڈیوںڑ آلے ادارے توں ضیان ڈیونڑ آلے ادارے اچ تبدیل تھیا ، مسلم لیگ ن دے دوراچ سٹیل ملز دا آپریشنل کم رک گیا ۔ وفاقی وزیرآکھیے جو ہک مرحلہ تے پاکستان سٹیل ملزدے ملازمین دی تعداد30 ہزار ہئی تاں جو انہاں اچوں بہوں سارے ریٹائرڈ تھی گئن ایں ویلھے ملز اچ 9 ہزارملازمین کم کریندے پئن ۔ پاکستان سٹیل ملز گزریل پنج سالاں توں بند ہئی ماضی دیاں حکومتاں اینکوں چلاونڑ دا کوئی منصوبہ نی بنڑایا ۔حکومت بند ملز دے ملازمین کوں تنخواہیں اتے بئی مراعات دی مد اچ 55 ارب روپے دی ادائیگی کیتی اے۔ انہاں آکھیے جو ایں ویلھے پاکستان سٹیل ملز دے آپریشنل ورک اچ 15 پارٹیاں دلچسپی گھندیاں پئن ۔ وفاقی وزیر وضاحت کیتی جو پاکستان سٹیل ملز دے صرف آپریشنز کوں نجی شعبے اچ ڈتا ویندا پئے ۔ ملز دی ہزاراں ایکڑ زمین پاکستان سٹیل ملز کارپوریشن ڈے ہی رہسی ۔
