ملتان ۔23 جون (اے پی پی)سرائیکی وسیب دے معروف شاعر ، براڈکاسٹر اتے دانشور رفیق خاور جسکانی کوں وچھڑیے 44سال لنگھ گئے ۔رفیق خاور جسکانی دا اصل ناں حافظ رفیق ہئی ۔او28جنوری1928ءکوں ڈیرہ غازی خان اچ جمیے۔سکول دے زمانے توں شاعری شروع کیتی۔1943ءاچ شاعر دے نشابر تھیے۔1955ءاچ ملتان آگئے۔ریڈیو پاکستان ملتان دے افتتاح دے بعد رفیق خاورجسکانی انہاں ابتدائی لکھاریاں اچوں ہن جنہاں ریڈیو اچ بطور سکرپٹ رائٹر، فیچر رائٹر بہوں خدمات نبھائی۔23جون1976ءکوں لہور اچ انتقال کر گئے ۔
