اسلام آباد ۔ 26 جون (اے پی پی)وزیراعظم عمران خان مظفرآباداازاد کشمیر دا دورہ کیتے جتھاں انہاں کورونا وائرس سانگے اجلاس دی اگوانڑی کیتی اتے لائن آف کنٹرول دے واسیاں کیتے احساس ایمرجنسی کیش پروگرام دا اجرا وی کیتے۔لائن آف کنٹرول دے نیڑے 219 دیہات ہین جیندے اچ کوئی ہک لکھ اٹھتری ہزار ڈو سو پنجترگھر ہین،انہاں سارے لوکاں کوں وزیر اعظم عمران خان دی خصوصی ہدایات تے احساس کفالت پروگرام اچ رلایا گئے ۔انہان کوں ماہوار 2000 روپے ڈتے ویسن۔ایندے علاوہ انہاں علاقیاں دی تریمتیں کوں جمعہ چھوی جون توں بارھاں ہزار روپے کیش وی ڈیونر شروع کر دتا گئے۔ لائن آف کنٹرول دے نیڑے وسنڑ آلے لوکاں کیتے وفاقی حکومت 3 ارب روپے رکھین اتے انہاں گھراں دے لوکاں کوںدی سہولت کیتے 17 احساس رجسٹریشن سنٹرز خصوصی طورتے بنڑائے گین تاں جو لوکاں کوں احساس کارڈبنڑاونڑ اچ کوئی اوکھ نہ تھیوے۔
