وزیراعلیٰ عثمان بزداردا رحیم یارخا ن،روجھان، بونگ، صادق آباد، کوٹ سبزل سمیت مختلف علاقیں دا فضائی دورہ

رحیم یار خان اتے راجن پور دے علاقیں اچ تڈی دل دی صورت حال دا جائزہ گھدا ،بازاراں اچ ایس اوپیز دی خلاف ورزی تے تشویش دا اظہار
لاہور۔5جون (اے پی پی )وزیراعلیٰ پنجاب سردار عثمان بزداررحیم یارخا ن،روجھان، بونگ، صادق آباد، کوٹ سبزل سمیت مختلف علاقیں دا فضائی دورہ کےتا ۔وزیراعلیٰ عثمان بزدار رحیم یار خان اتے رراجن پور دے علاقیں اچ تڈی دل دی صورت حال دا جائزہ گھدا ۔وزیراعلیٰ عثمان بزدار فصلاں کوں پجنڑ آلے ضیان دا وی فضائی معائنہ کیتا ۔وزیر اعلیٰ عثمان بزدار شہراں اچ کو رونا دے حوالے نال ایس او پیز تے عمل درآمد دا وی جائزہ گھدا ۔وزےراعلیٰ بازاراں اچ ایس اوپیز دی خلاف ورزی تے تشویش دا اظہار کیتے اےس او پےز تے سختی نال عملدرآمد ےقےنی بنڑاونڑ دی ہدایت کیتی ۔ انہاں آکھیے جو ایس اوپیز شہریاں دے تحفظ کیتے ہن عمل درآمد نہ کرنڑ آلیں دے خلاف قانون حرکت اچ آسی ۔ وزےراعلیٰ آکھیے جو تڈی دل دے خاتمے کیتے سارے ممکنہ اقدامات بروئے کار گھن آئے ویسن ، کاشتکاراں دیاں فصلاں کوں تڈی توں بچاونڑ ترجیح اے ۔ تڈی پاروں تھیونڑ آلے ضیان کوں گھٹ توں گھٹ سطح تے گھن آونڑ کیتے کوشش کیتی ویسی ۔ انہاں آکھیے جو فصلاں کوں بچاونڑ کیتے جراثیم کش سپرے دا دائرہ کار مزید ودھایا ویسی ۔ڈی جی پی ڈی ایم اے وی وزیراعلیٰ دے رلے ہن۔وزیراعلیٰ صورتحال داجائزہ گھن تے ڈی جی پی ڈی ایم اے کوں ضروری ہدایات ڈتن ۔