اسلام آباد ۔ 23 جون (اے پی پی)وزیرِاعظم عمران خان دی صدارت اچ کنڑک اتے اٹے دے نرخاں اچ گھٹکی بارے اقدامات دا اہم اجلاس منگل کوں تھیا۔اجلاس اچ وزیر برائے منصوبہ بندی اسد عمر، وزیرِ برائے نیشنل فوڈ سیکیورٹی سیّد فخر امام، وزیرِ برائے اقتصادی امور مخدوم خسرو بختیار، مشیر خزانہ ڈاکٹر عبدالحفیظ شیخ، مشیر تجارت عبدالرزاق داو ¿د، سیکرٹری خزانہ اتے بئے سینئر افسر شریک ہن۔چیف سیکرٹری پنجاب، چیف سیکرٹری سندھ اتے چیف سیکرٹری خیبرپختونخوا ’ ویڈیو لنک دے ذریعے اجلاس اچ شرکت کیتی۔مشیر خزانہ ڈاکٹر حفیظ شیخ کنڑک اتے اٹے دی لوڑھ کوں پورا کرنڑ دے نال نال انہاں دے نرخ اچ گھٹکی کرنڑ بارے صوبائی حکومتاں دے مشورے نال کیتے گئے فیصلیاں بارے اجلاس کوں ڈسیا۔وزیراعظم اجلاس نال خطاب کریندیں ہوئیں آکھیا جو حکومت دی پہلی ترجیح نہ صرف کنڑک ی لوڑھ دے مطابق وافر دستیابی کوں یقینی بنڑاونڑ،کنڑک اتے اٹے دے نرخاں کوں قابو اچ رکھنڑ دی حکومت دی پہلی ترجیح اے۔ وزیرِاعظم سارے صوبائی چیف سیکرٹریز کو ں ہدایت کیتی جو کنڑک دی سمگلنگ اتے ذخیرہ اندوزی بارے زیروٹالرنس پالیسی کوں یقینی بنڑایا ونجے۔
