ٹڈی دل مکاونڑ کیتے اداریاں دا کردار قابل تعریف اے، آندے ڈینھاں بھارت، ایران، افریقہ اتے عمان توں ٹڈی دل دے حملہ دا خدشہ اے،وفاقی وزیر غذائی تحفظ و تحقیق سیّد فخر امام دی میڈیانال گالھ مہاڑ

اسلام آباد ۔ 26 جون (اے پی پی)وفاقی وزیر غذائی تحفظ و تحقیق سیّد فخر امام آکھیے جو ٹڈی دل مکاونڑ کیتے اداریاں دا کردار قابل تعریف اے،این سانگے چنگے اقدامات کیتے ویندے پین،آندے ڈینھاں بھارت، ایران، افریقہ اتے عمان توں ٹڈی دل دے حملہ دا خدشہ اے۔میڈیا نال گالھ مہاڑ اچ انہاں آکھیا جو ٹڈی دل مکاونڑ کیتے بین الاقوامی اداریاں نال رابطے اچ ہیں، ایں سانگے صوبیاں نال وی ہتھ ونڈایا ویندا پئے،ٹڈی دل دے خلاف آپریشن اچ پاک آرمی دے 5 ہیلی کاپٹر استعمال تھیندے پین، ٹڈی دل مکاونڑ کیتے سروے تھیندا پئے،ایں سانگے نیشنل لوکسٹ کنٹرول سنٹر (این ایل سی سی)وی ودھ کم کریندا پئے۔انہاں ڈسائے جو پاکستان اچ ٹڈی دا ہک وڈا جتھا افغانستان توں ڈی آئی خان اتے وزیرستان آندا پئے،این ڈی ایم اے 11 جہازاں دا آرڈرڈتے،مائکرون سپیرزوی استعمال کیتے ویندے پین، 20 مائکرون سپیرز برطانیہ اتے ایف اے اوولوں ڈتے گین،ساڈی وزارت 100 حشریات دان بھرتی کریندی پئی اے جیندے کیتے وزارت خارجہ دے شکر گزار ہیں۔