اسلام آباد ۔ 19 جون (اے پی پی) وزیراعظم عمران خان دی موجودگی اچ پاکستان اتے ترائے بین الاقوامی مالیاتی اداریاں(ایشیائی ترقیاتی بینک، ایشیئن انفراسٹرکچر انویسٹمنٹ بینک اتے عالمی بینک)وچال 1500 ملین ڈالردے مالیاتی معاہدیاں تے دستخط کیتے گین۔ایشیائی ترقیاتی بینک کوویڈ 19 ایکٹو رسپانس اینڈ ایکسپینڈیچر سپورٹ پروگرام کیتے 500 ملین ڈالر ڈیسی تاں جو حکومت پاکستان اپنڑا نظام صحت تکڑا کر تے کرونا دے سماجی اثرات تے قابوپاونڑ دے قابل تھی سگے۔ایں سانگے ایشین انفراسٹرکچر انویسٹمنٹ بینک وی 500 ملین ڈالردی معاون فنانسنگ ڈیندا پئے۔پاکستان اچ انسانی وسائل دی ترقی، ضروری صحت وتعلیم دے نظام ، معاشی پیداواراچ تریمتیں دے کردار دی حوصلہ افزائی اتے سماجی تحفظ دے منصوبیاں اچ معاونت کیتے سیکورنگ ہیومین انویسٹمنٹس ٹو فاسٹر ٹرانسفارمیشن (شفٹ) کیتے 500 ملین ڈالر دے معاہدے تے وی دستخط تھین۔پاکستان ولوں سیکرٹری اقتصادی امور نور احمد، عالمی بنک دے کنٹری ڈائریکٹر پچھاموتھو ایلانگوان اتے ایشیائی ترقیاتی بینک دی کنٹری ڈائریکٹر مس شیاﺅ ہونگ معاہدیاں تے دستخط کیتن۔
