کراچی ۔ 29 جون (اے پی پی) پاکستان اسٹاک ایکسچینج تے دہشت گرداں دے حملے اتے فائرنگ دے تبادلے اچ ہک پولیس تے افسر تے ڈو سیکورٹی گارڈز شہید تھی گئن ۔ ترجمان کراچی پولیس ولوں سنوار کوں جاری اپ ڈیٹ موجب فائرنگ دے نتیجے اچ ترائے پولیس اہلکار سمیت ڈو سکیورٹی گارڈز، ہک اسٹاک ایکسچینج دا ملازم اتے ہک شہری زخمی تھئن جنہاں کوں طبی امداد کیتے ہسپتال منتقل کرڈتا گئے ۔ ترجمان مزید ڈسائے جو وقوعے دی جاہ تے تفتیشی ٹیماں شواہد کٹھے کریندیاں پئن ۔
