اسلام آباد ۔ 10 جولائی (اے پی پی) ازبکستان دے وزیر خارجہ عبدالعزیز کامیلوف اپنڑے پاکستانی ہم منصب شاہ محمود قریشی دے کورونا وائرس توں متاثر تھیونڑ دی خبر تے اظہار تشویش کریندے ہوئیں انہاں دی خیریت پچھی تے اظہار ہمدردی کیتا ۔ جمعے کون ازبک وزیر خارجہ ہک خط وچ وزیر خارجہ مخدوم شاہ محمود قریشی دی وختی صحت یابی کیتے دلوں دعا تے نیک تمنا دا اظہار کیتے ۔ وزیر خارجہ خیریت پچھنڑ تے صحت یابی کیتے دعاواں ڈیونڑ تے ازبکستان دے وزیر خارجہ عبدالعزیز کامیلوف دا شکریہ ادا کیتا۔
