اسلام آباد۔16جولائی(اے پی پی) وزیراعظم دی معاون خصوصی برائے غربت مٹاوپروگرام ڈاکٹر ثانیہ نشترحکومت احساس ایمرجنسی کیش پروگرام کوں ہک کھرب 44 ارب روپے توںو دھا تے 2 کھرب 3 ارب روپے کرنڑ دا فیصلہ کیتے، پروگرام نال ہنڑہک کروڑ 69 لکھ گھرافیدہ چا سگسن۔اے گالھ انہاں اسلام آباد اچ وفاقی وزیر اطلاعات و نشریات سینیٹر سید شبلی فراز نال کٹھی پریس کانفرنس اچ آکھی۔ انہاں ڈسایا جو حکومت کووِڈ 19 سانگے شروع کیتے گئے احساس ایمرجنسی کیش پروگرام کوں ہک کھرب 44 ارب روپے توں ودھا تے 2 کھرب 3 ارب روپے کرنڑ دا فیصلہ کیتے،احساس ایمرجنسی کیش پروگرام دا دائرہ کارودھاونڑ نال ہنڑ ہک کروڑ 69 لکھ گھرانے فیدہ چا سگسن۔ انہاں آکھیے جو اے پاکستان دی تاریخ دا سب توں وڈاسماجی تحفظ دا پروگرام اے جیندے نال پاکستان دی تقریباً ادھی توںو دھ آبادی فیدہ چیسی۔ثانیہ نشتر آکھیا جو ایں پروگرام کوں بین الاقوامی سطح تے وی بہوں منیا گئے جو ترقی پذید ممالک دے مقابلے اچ ساڈے ملک دا اے اعزاز اے جو اساؓ سب توں پہلے، ویلھے تے ،شفاف اتے منظم طور تے سب توں وڈاسماجی تحفظ دا پروگرام شروع کیتے،سارے ہک کروڑ 69 لکھ ٹبراں کوں رقم پوری کر دیونڑ تئیں اے پروگرام جاری رکھیا ویسی۔ثانیہ نشتر آکھیے جو اے بالکل اصولاں دی بنیاددا ڈیٹا دے مطابق بنڑایا گیاخودکار پروگرام اے جیندے اچ وزیراعظم پاکستان کوں وی وٹا پھیر دا اختیار کائنی جیندے اچ شفافیت کوں اگونہا رکھیا گئے،ہک انفارمیشن پورٹل جاری کیتا گئے اتے ایندے تے صوبیاں ،ضلعاں اتے تحصیل دی سطح تئیں ونڈی گئی رقوم اتے باقی پیسے دی تفصیل ڈٹھی ونج سگدی اے کیوں جو ہر ادائیگی بائیو میٹرک تصدیق نال کیتی ویندی اے۔
