اسلام آباد ۔ 19 جولائی (اے پی پی) وزیراعظم دے معاون خصوصی قومی سلامتی امور ڈاکٹر معید یوسف آکھیے جو میڈے خلاف کوڑیاں خبراں کھنڈائیاں ویندیاں پئن ، میں کنے پاکستان دے علاوہ کہیں ملک دی شہریت کائنی ، میں حکومت پاکستان کوں آپدی شہریت بارے پہلے ہی حلف نامہ جمع کروا ڈتے ۔اتوار کوں آپنڑے اثاثیں تے شہریت بارے وضاحتی بیان اچ معاون خصوصی ڈاکٹر معید یوسف آکھیے جو میں آپدی ذمے واری سنبھالنڑ دے بعد امریکہ کائنی گیا ،میکوں امریکہ توں کوئی آمدنی کائنی آندی پئی ، میڈی باہرلے اچ کوئی ارباں یا لکھاں دی جائیداد کائنی ، انہاں آکھیے جو میڈے یا میڈے خاندان ڈے پاکستان دے علاوہ ملک اچ کوئی جائیداد کائنی ، غلط فہمی نہ کھنڈائی ونجے ۔
