اسلام آباد ۔ 13 جولائی (اے پی پی) وزیراعظم عمران خان نال معاون خصوصی سماجی تحفظ و تخفیف غربت ڈاکٹر ثانیہ نشتر ملاقات کیتی اے ۔ ملاقات اچ ڈاکٹر ثانیہ نشتر احساس دے نویں پروگرام ”احساس نشوونما“ دے حوالے نال وزیراعظم کوں بریفنگ ڈتی۔ وزیراعظم آفس دے میڈیا ونگ موجب وزیراعظم عمران خان آندے کجھ ہفتے اچ ”احساس نشوونما“ پروگرام دا آغاز کریسن۔ وزیراعظم عمران خان ڈاکٹر ثانیہ نشتر کوں احساس کیش پروگرام دے دائرہ کار اچ توسیع دے حوالے نال وی ہدایات ڈتیاں ۔
