وزیراعظم دے نیشنل ریڈیو و ٹیلی کمیونیکیشن کارپوریشن ہری پور دورے دے موقع تے منیجنگ ڈائریکٹر بریگیڈئر توفیق احمد این ٹی آر سی دی خدمات، پیداوار، تحقیق وترقی اتے تاریخ بارے بریفنگ ڈتی
یہ پاکستان کیتے اہم سنگ میل اے ، پوری ٹیم مبارخ باد دی مستحق اے، وزیراعظم عمران خان
اسلام آباد ۔ 6 جولائی (اے پی پی)وزیراعظم عمران خان نیشنل ریڈیو و ٹیلی کمیونیکیشن کارپوریشن (این ٹی آر سی) ہری پور دا دورہ کیتا اتے پاکستان اچ پہلی واری وینٹی لیٹر دی پیداواری سہولت دا افتتاح کیتے۔ وزیراعظم میڈیا آفس توں جاری بیان موجب وفاقی وزیر سائنس و ٹیکنالوجی فواد چوہدری، وزیر توانائی عمر ایوب خان، وزیر اعظم دے کووڈ19 دے حوالے نال فوکل پرسن ڈاکٹر فیصل سلطان، چیئرمین این ڈی ایم اے لیفٹیننٹ جنرل محمد افضل اتے اعلیٰ حکام وی ایں موقع تے موجود ہن ۔ این آر ٹی سی دے منیجنگ ڈائریکٹر بریگیڈئر توفیق احمد وزیراعظم کوں این ٹی آر سی دی خدمات، پیداوار، ایں شعبے اچ تحقیق وترقی اتے تاریخ بارے تفصیلی بریفنگ ڈتی۔ انہاں ڈسائے جو این آر ٹی سی کمیونیکیشن آلات، ای پولیسنگ، الیکٹرو میڈیکل آلات اتے ہارڈ و سافٹ ویئر سمیت بئی خدمات ڈیندی پئی اے ۔وزیراعظم پہلی واری اندرلے ملک وینٹی لیٹر بنڑاونڑ دے وزارت سائنس و ٹیکنالوجی اتے این آر ٹی سی دے اقدام دی تعریف کریندے ہوئیں آکھیے جو اے پاکستان کیتے اہم سنگ میل اے ایندے تے پوری ٹیم مبارخ باد دی مستحق اے ۔انہاں آکھیے جو اساڈے ملک اچ بہترین صلاحیتاں دے مالک ماہرین موجود ہن جیرھے جو ملک کوں نویں ٹیکنالوجی متعلق ایجادات ڈے سگدن تے اساڈی حکومت ایں سلسلےا چ نینگراں دیاں صلاحیتاں کوں بروئے کار گھن آونڑ کیتے ہر ممکن معاونت کریسی ۔ وزیر اعظم آکھیے جو کورونا وبا دے رسپانس اتے معیشت کوں سامنڑے رکھیندے ہوئیں سمارٹ لاک ڈاﺅن اساڈے اقدامات دی تعریف کیتی گئی اے ، اساڈی توجہ ہنڑ جامع اصلاحت تے مرکوز اے ۔بعد اچ وزیر اعظم وینٹیلیٹر بنڑاونڑ دی سہولت دا افتتاح کیتا تے این ٹی آر سی دے مختلف سیکشنز دا دورہ کیتا۔
