اسلام آباد ۔ 24 جولائی (اے پی پی) صدر ڈاکٹر عارف علوی کامسیٹس یونیورسٹی انتظامیہ کوں ہدایت کیتی اے جو او تحقیقی سرگرمیاں تے توجہ ڈیون اتے چنگی شہرت آلیاں بین الاقوامی یونیورسٹیاں نال گانڈھے ودھاون،جگ دی لوڑھ اتے جدید طریقاں دے مطابق ہی تعلیمی نصاب بنڑاونڑا چاہیدے۔اے گالھ انہاں ایوان صدراسلام آباد اچ وفاقی وزیر برائے سائنس و ٹیکنالوجی ، فواد حسین چوہدری نال الویندے آکھی۔ وفاقی وزیر صدر کوں تعلیم دی ترقی کیتے کامسیٹس دے کردارتے بریفنگ ڈتی۔ایں موقع تے نومنتخب ریکٹر پروفیسر ڈاکٹر محمد تبسم افضل وی موجود ہن۔صدر امید کیتی جو یونیورسٹی ،نویں ریکٹر دی سربراہی اچ تعلیم دا معیار بیاودھیسی، یونیورسٹی اچ گڈ گورننس کوں وی یقینی بنڑایا ویسی۔
