اسلام آباد ۔ 13 جولائی (اے پی پی) نیشنل کمانڈ اینڈ آپریشن سینٹر( این سی او سی )کورونا وائرس بارے اجوکی رپورٹ جاری کر ڈتی اے ۔گزریل چووی گھنٹیاں اچ کورونا وائرس دے بئے 69مریض جان دی بازی ہر گئن،2769نویں کیس رپورٹ تھین،3341مریض وینٹی لیٹر تے ہن،ہک لکھ61ہزار توں ودھ مریض ٹھیک تھی گئن۔این سی او سی دے مطابق ہنڑ تئیں ملک اچ کورونا دے ڈو لکھ 51ہزار625تصدیق تھیے کیسز ہن جنہاں اچوں آزاد کشمیر دے 1599، بلوچستان دے 11ہزار185، گلگت بلتستان دے1671، اسلام آباد دے 14ہزار108، کے پی کے ،دے30ہزار486، پنجاب دے87ہزار23 اتے سندھ دے ہک لکھ 5 ہزار533کیسز شامل ہن۔ہنڑ تئیں ملک اچ کورونا دے پنج ہزار266مریض انتقال کر گئن ۔ملک دے 733ہسپتالاں اچ 3589مریض زیر علاج ہن۔
