اسلام آباد ۔ 12 اگست (اے پی پی) وزیر مملکت موسمیاتی تبدیلی زرتاج گل آکھیے جو جشن آزادی جوش تے جذبے نال منیسوں ،زندہ قوماں اپنڑی عظیم روایات کوں ہمیشہ زندہ رکھیندن ، اساڈے وڈ وڈیریں قربانیاں ڈے کراہیں پاکستان گھدا ۔آزادی دی نعمت دی قدر کرنڑیں ہوسی ،نویں نسل کوں خوشحال تے ترقی یافتہ پاکستان ڈیونڑ وزیر اعظم عمران خان دا خواب اے، ایندی ترقی کیتے اساکوں انفرادی تے اجتماعی طور تے حصہ گھننڑاں ہوسی ،یوم آزادی دے موقع تے پورے ملک اچ نینگر نہ صرف اپنڑے حصے دا بوٹا لاون بلکہ ماحول کوں صاف ستھرا رکھنڑ کیتے کردار ادا کرن ۔اے گال انہاں ”اے پی پی” نال گال مہاڑ کریندے ہوئیں آکھی اے ۔ وزیر مملکت آکھیے جو آزادی دا ڈینھ اساکوں اپنڑے بزرگاں دیاں قربانیاں دی یاد ڈویندے تاں جو اساں آپ دیاں صلاحیتاں کوں بروئے کار گھن آتے ملک دی ترقی اچ ودھ چڑھ تے حصہ گھنوں ۔
