مریم نواز ولوں نیب لاہور اچ پیش تھی تے جواب ڈیونڑ دی بجائے مسلم لیگ (ن) دے کارکنان دے ذریعے منظم انداز اچ غنڈہ گردی، پتھراواتے بدنظمی دا مظاہرہ کیتا گئے ، مسلم لیگ (ن) دے عہدیداراں اتے شر پسند عناصر ولوں قانونی کارروائی اچ منظم انداز اچ مداخلت دی تحقیقات، کار سرکار اچ مداخلت دی ایف آئی آر درج کراونڑ دا فیصلہ کیتا گئے ، نیب اعلامیہ

اسلام آباد ۔ 11 اگست (اے پی پی) قومی احتساب بیورو (نیب) لاہور اچ اج مریم نواز کوں ذاتی حیثیت اچ موقف گھننڑ کیتے طلب کیتا گیا ہئی تاں جو انہاں ولوں نیب لاہور اچ پیش تھی تے جواب ڈیونڑ دی بجائے مسلم لیگ(ن) دے کارکنان دے ذریعے منظم انداز اچ غنڈہ گردی دا مظاہرہ کریندے ہوئیں پتھراو اتے بدنظمی دا مظاہرہ کیتا گئے۔نیب اعلامیہ موجب نیب دے 20سالہ دور اچ پہلی مرتبہ ہک آئینی و قومی ادارے دے نال ایں نوعیت دا برتاوروا رکھیا گئے جیں اچ نیب دی عمارت تے پتھراوکریندے ہوئیں کھڑکیاں دے شیشے بھن ڈیونڑ دے علاوہ نیب دے عملے کوں وی زخمی کیتا گیا ۔انہاں حالات اچ نیب ولوں مریم نواز دی پیشی کوں وختی منسوخ کرنڑ دے علاوہ کوئی چارہ کائنان ہئی۔ایندے علاوہ مسلم لیگ (ن) دے عہدیداراں اتے بئے شر پسند عناصر ولوں قانونی کارروائی اچ منظم انداز اچ مداخلت دی تحقیقات دا فیصلہ کیتے۔ نیب مسلم لیگ (ن) دے رہنماواں تے کارکنان دے غیر قانونی اقدام اتے کار سرکار اچ مداخلت دی ایف آئی آر درج کراونڑ دا وی فیصلہ کیتے ۔ نیب ولوں ڈسایا ویندے جو نیب ہک قومی ادارہ اے جیں دی ساری وابستگیاں ملک و قوم دے نال ہن ۔نیب دا کہیں سیاسی جماعت تے گروہ نال کوئی تعلق کائنی جڈاں جو نیب دے سارے اقدامات آئین و قانون دی روشنی اچ سر انجام ڈیندے۔