کوئٹہ۔10اگست ( اے پی پی )وزیراعلیٰ بلوچستان جام کمال خان چمن بم دھماکے دی مذمت کیتی اے ،وزیراعلیٰ دہشت گردی دی بذدلانہ کارروائی اچ قیمتی جانی ضیان تے ڈکھ دا اظہار کریندے ہوئیں آکھے جو دہشت گرد عناصر اپنڑے مزموم مقاصد دے حصول کیتے چمن دا امن تباہ کرنڑ چاہندن ،پاک افغان بارڈر تے باڑ دی تنصیب دا منصوبہ ملک دشمن عناصر دے ناپاک عزائم دے رستے اچ رکاوٹ اے ،باڑ لاونڑ نال دہشت گردی اتے غیر قابونی نقل و حمل مک ویسی تے سرحدی علاقیں سمیت صوبے اچ امن و امان دی صورت حال بہتر تھی ویسی ،وزیراعلیٰ بلوچستان دہشت گردی کوں منڈھوں مکاونڑ دے پکے عزم دا اظہار کریندے ہوئیں آکھیے جو عوام دے تعاون نال چمن سمیت سارے علاقیں اچ امن دے قیام کوں ہر صورت یقینی بنڑایا ویسی ،چمن دے پر امن اتے محب وطن عوام دے جان و مال اتے روز گار دا تحفظ اولین ترجیح اے۔انہاں شہید تھیونڑ آلیں دے خاندان نال تعزیت تے ہمدردی دا اظہار کریندے ہوئیں زخمیاں کوں چنگیاں طبی سہولتاں ڈیونڑ دی ہدایت کیتی اے ۔
