کوئٹہ۔14 اگست ( اے پی پی )وزِیر اعلیٰ بلوچستان جام کمال خان آکھیے جو جشن آزادی دا ڈینھ بحیثیت قوم اساں کیتے بہوں اہم اے پاکستان دے واسی بئے کئی ملکاں دے عوام توں بہتر زندگی گزریندے پن ، دنیا اچ کتھائیں جنگ ، کتھائیں اقتصادی مسلیں توں عوام ڈوچار اے تے اساں سارے ایں سرزمین دی بہتری دے ذمے وار ہوں ، چھوٹیاں چھوٹیاں کوششاں قوماں کوں بہوں اگوں گھن ویندن ، 6 مہینے قدرتی آفت دا سامنڑاں کیتے جیں نال بہوں ساریاں تبدیلیاں آئن کورونا وبا مکی کائنی اساکوں احتیاط جاری رکھنڑیں چاہیدی اے بلوچستان دے عوام دا پاکستان دی آزادی اچ اہم کردار اے ،۔ڈاہ سالاں اچ بلوچستان دے عوام ساریں توں ودھ قربانیاں ڈتن ۔ اے گال انہاں بلوچستان اسمبلی دے سبزہ زار اچ لاونڑ دی تقریب توں خطاب کریندے ہوئیں آکھی اے ،تقریب اچ سپیکر بلوچستان اسمبلی میر عبدالقدوس بزنجو،صوبائی وزراءاراکین پارلیمنٹ، آئی جی پولیس محسن حسن بٹ، اعلیٰ فوجی و سول حکام اتے مختلف مکاتب فکر دے لوکاں شرکت کیتی ۔تقریب توں خطاب وچ وزیراعلیٰ بلوچستان جام کمال آکھیے جو بہوں ساریاں قربانیاں پاروں پاکستان وجود اچ آئے ،بھارتی ظلم دے خلاف اہل بلوچستان کشمیری بھراویں دے رلے کھڑے ، مقبوضہ کشمیر اچ موجود انتہا پسند حکومت ظلم دی تاریخ رقم کر ڈتی اے ۔
