ٹرینیڈاڈ ۔ 27 اگست (اے پی پی) ویسٹ انڈین کرکٹ ٹیم دے مایہ ناز آل راﺅنڈر ڈیوائن براوو ٹی20 کرکٹ اچ 500 وکٹاں پوریاں کر گھدن ۔او اے اعزاز گھننڑ آلے دنیا دے پہلے کرکٹر بنڑ گن ۔ ڈیوائن براوو گزریل ڈینھ کیریبیئن پریمیئر لیگ چ ٹرینباگو نائٹ رائیڈرز ولوں سینٹ لوسیا زوکس دے خلاف راکھیم کور نویل کوں آﺅٹ کرتے ٹی ٹونٹی کرکٹ اچ آپنڑیاں 500 وکٹاں پوریاں کر گھدن ۔ایندے علاوہ براوو سی پی ایل اچ وکٹاں دی سنچری وی مکمل کرگھدی۔ دیوائن براوو آپنڑے ٹی ٹونٹی کرکٹ دا آغاز 16 فروری 2006ءاچ نیوزی لینڈ دے خلاف آکلینڈ وچ کیتا ہئی۔ او ٹی ٹونٹی کرکٹ اچ 500 وکٹاں دے سنگ میل پار کرنڑ آلے دنیا دے پہلے کرکٹر بنڑ گئن۔
