اسلام آباد ۔ 10 اگست (اے پی پی) نیشنل کمانڈ اینڈ آپریشن سنٹر( این سی او سی ) نویں کرونا کیسز دی تفصیلات جاری کریندے ہوئیں ڈسائے جو گزریل 24گھنٹے اچ کورونا دے 539مریضاں دے ٹیسٹ مثبت آگئن جداں جو گزریل 24گھنٹے وچ 15بندے جاں بحق تھئن جیں اچوں 14بندے ہسپتال تے 1بندہ گھر اچ قرنطینہ دے دوران آپ دی جان دی بازی ہر گیا ۔گزریل 24گھنٹے وچ 20 ہزار 495 کورونا دے ٹیسٹس کیتے گئن جیں اچوں سندھ اچ 8 ہزار 288، پنجاب اچ 7 ہزار 711, خیبرپختونخوا اچ 1 ہزار 659 ، اسلام آباد اچ 2ہزار 140، بلوچستان اچ 402، گلگت بلتستان اچ 80، آزاد کشمیر اچ 215 ٹیسٹس کیتے گئن ۔ہنڑ تئیں پورے ملک اچ صحت یاب تھیونڑ آلے لوکاں دی تعداد 2لکھ 60ہزار 764تھی گئی اے ۔
