اسلام آباد ۔ 29 ستمبر (اے پی پی) افغانستان دی اعلیٰ کونسل قومی مفاہمت دے چیئرمین عبداللہ عبداللہ اج منگل کوں پارلیمنٹ ہاﺅس اچ چیئرمین سینیٹ محمد صادق سنجرانی نال ملاقات کریسن ۔ سینیٹ سیکرٹریٹ موجب ملاقات اچ سانجھے دلچسپی دے امور تے ڈو پاسے تعاون کوں ودھارا ڈیونڑ تے گال مہاڑ کیتی ویسی ۔سانجھے پارلیمانی رابطے کوں مربوط بنڑاونڑ کیتے لائحہ عمل تے وی تفصیلی گال مہاڑ کیتی ویسی ۔چیئرمین سینیٹ محمد صادق سنجرانی افغان وفد دے رہنما دے اعزاز اچ ظہرانہ وی ڈیسن ۔ ظہرانے اچ وفاقی وزرا، وزرائے مملکت، اراکین پارلیمنٹ اتے اعلیٰ حکومتی عہدیداران شرکت کریسن ۔
