کابل ۔ یکم ستمبر (اے پی پی) افغانستان دے مشرقی صوبہ پکتیا دے دارالحکومت گردیز اچ پولیس کیمپ دے باہر خودکش کار بم دھماکے وچ 3 حملہ آور اتے 3 پولیس اہلکار جاں بحق تھی گئن ۔ چینی خبر رساں ادارے موجب صوبہ پکتیا دے گورنر حلیم فدائی ڈسائے جو منگل دی سویل دارالحکومت گردیز اچ پبلک پروٹیکشن پولیس فورس دے کیمپ دے باہر کار اچ سوار خودکش حملہ آور خود کوں دھماکے نال اڈایا جیں دے بعد 2 مسلح لوکاں گیٹ دے اندر داخل تھیونڑ دی کوشش کیتی جیں تے پولیس دی فائرنگ نال ڈوہیں حملہ آور جاں بحق تھی گئے جڈاں جو حملے اچ 3 پولیس اہلکار جاں بحق اتے 5 زخمی تھی گن جنہاں کوں کابل ہسپتال منتقل کرڈتا گیا۔ حملے دی تحقیقات کیتی ویندی پئی اے۔
