اسلام آباد ۔ 29 ستمبر (اے پی پی) وزیراعظم دے معاون خصوصی اطلاعات و نشریات اتے چیئرمین سی پیک اتھارٹی لیفٹیننٹ جنرل (ر) عاصم سلیم باجوہ آکھیے جو سی پیک اتھارٹی مقامی وزارتاں اتے غیرملکی کمپنیاں وچال مواصلاتی رکاوٹاں کوں ہٹا ڈتے ۔ گلوبل ویلج اسپیس کوں ہک انٹر ویو ڈیندے ہوئیں انہاں آکھیے جو سی پیک منصوبے پلاننگ کمیشن آف پاکستان دے دائرہ کار اچ ہن جڈاں جو اتھارٹی خود منصوبیں تے عمل درآمد کوں یقینی بنڑیندی اے۔ انہاں آکھیے جو سی پیک اتھارٹی سی پیک دے بہوں سارے منصوبیں اچ سرمایہ کاری دے خواہشمند سرمایہ کاراں دے سوالا دا ہک ونڈو حل اے ، اتھارٹی مقامی وزارتاں اتے غیر ملکی کمپنیاں وچال ہم آہنگی کوں یقینی بنڑائے ۔ خصوصی اقتصادی علاقے دی اہمیت کوں اجاگر کریندے ہوئیں انہاں آکھیے جو مجوزہ زونز برآمدات، درآمدی متبادل اتے ملازمت دے مواقع اچ ودھارے کیتے اہمیت رکھیندن ۔انہاں سرمایہ کاراں کوں آکھیے جو او اپنڑاں کردار ادا کرن تے انہاں اقتصادی علاقیں کوں کامیاب بنڑاون ۔
