ملتان ۔12 ستمبر(اے پی پی)وزیراعظم دی معاون خصوصی ڈاکٹرثانیہ نشترآکھیا جو لنگر خانہ سکیم ریاست مدینہ دی اقتدار موجب فلاحی ریاست آلے پاسے ٹردی پئی اے۔انہاں آکھیا جو ایں منصوبے دا مقصد اے جو لوکاں دی عزت وی مجروع نہ تھیوے اتے انہاں دی مدد وی تھی ونجے۔اے گالھیں انہاں جنرل بس اسٹینڈ لنگر خانے دے دورے دے موقع تے گالھ مہاڑ کریندیں ہوئیں آکھی۔انہاں آکھیا جو ہک سروے دے مطابق پاکستان اچ ڈو کروڑ40لکھ بندے دیہاڑی دار ہن جیڑھے جو ملک دی آبادی دا وڈا حصہ ہن۔انہاںا ٓکھیا جو لنگر خانے بڑھڑے مسافراں،طالب علماں تریمتیں اتے مستحق بندیاں دی خدمت کریندے پئن۔
