اسلام آباد ۔ 16 ستمبر (اے پی پی) وفاقی وزیر اطلاعات و نشریات سینیٹر شبلی فراز آکھیے جو ملکی معیشت دی ترقی اچ ملک دے چمبرآف کامرس اینڈ انڈسٹریز لائف لائن دی حیثیت رکھیندن ، وزیراعظم عمران خان دی کوویڈ 19کوں روکنڑ کیتے کامیاب حکمت عملی پاروں اج پاکستان اچ ساریاں کاروباری سرگرمیاں ول کھل گئن ، تاجراں اتے کاروباری برادری دے نمائندہ چمبرز کوں یونیورسٹیاں نال رابطے بہتر بنڑاونڑ چاہیدن تاں جو نویں نسل وی کاروباری اصولاں اتے اقدار کوں سمجھ سگے ۔او بدھ کوں اسلام آباد چیمبر اچ ایکسپورٹ ڈسپلے سینٹر دی افتتاحی تقریب توں خطاب کریندے پئے ہن ۔ وفاقی وزیر اطلاعات و نشریات سینیٹر شبلی فراز آکھیا جو اسلام آباد چیمبر آف کامرس ولوں عزت افزائی تے مشکور ہاں۔ انہاں آکھیے جو موجودہ زمانہ نوجوان نسل دا زمانہ اے، چمبرز کوں چاہیدے او نینگراں کوں وی کٹھے رلاوے ایں کیتے یونیورسٹیاں نال لنک قائم کرنڑاں ہوسی ۔موجودہ حکومت چمبرز کوں پالیسی سازی اچ رلے گھن تے ٹرنڑ دا عزم کر رکھیے ۔کووڈ۔ 19 دی عالمگیر وبا دی اوکھی صورت حال توں کل آیوں ۔اساکوں ایس او پیز تے عمل کریندے ہوئیں احتیاطی تدابیر اختیار کرنڑیاں ہوسن ۔
