پیرس۔ 9 ستمبر (اے پی پی) اقوام متحدہ ’ عالمی برادری کو ں خبردار کیتے جو کورونا پاروں صحت دی خدمات رُک ونجنڑ نال لکھاں بالاں دی حیاتیاں خطرے اچ پے سگدن جڈانجو کورونا دی وبا بالاں دی اموات دی شرح اچ گھٹکی کوں ختم کر سگدی اے۔عالمی ادارے آکھیا جو پچھلے 30سالیں اچ ویلھے توں پہلے پیدائش اتے نمونیا سودھے بالاں دی اموات دی وجوہات کوں روکنڑ یا انہاں دے علاج اچ نشابر بہتری آئی ہئی ۔ یونیسیف ، عالمی ادارہ صحت اتے ورلڈ بینک گروپ دے چھاپے گئے اجوکے اعدادوشمار موجب 2019ءاچ عالمی سطح تے گھٹ عمر دی موت دی گھٹ ترین شرح ہئی ۔1990ءاچ سوا کروڑ بال قابل علاج بیماری پاروں مر گئے ہن جڈانجو 2019ءاچ اے تعداد اوندی ادھ یعنی تقریباً52لکھ ہئی ۔رپورٹ اچ عالمی ادارے آکھیا جو کورونا پاروں ایں بارے ساری پیشرفت کوں ریورس کر سگدی اے۔
