اسلام آباد۔23اکتوبر (اے پی پی) وفاقی وزیر اطلاعات تےنشریات سینیٹر شبلی فراز آکھیا جو عدالت کوں مطلوب مجرم نواز شریف کوں برطانیہ توں واپسی گھن آوݨ سانگے قانونی اتے سفارتی ذرائع استعمال کریندے پیوں،15جنوری 2021ء تئیں نواز شریف جیل اچ ہوسن۔کرپشن آلی اپوزیشن دی اصل ڄاہ جیل اے،سندھ دا واقعہ ہک ڈرامہ اے،حقیقت اچ ن لیگ اتے پی پی پی آپت اچ گیم کھیݙدے پئن،کیپٹن صفدر گرفتاری دی اصلی ویڈیو فوٹیج سندھ حکومت اتے مسلم لیگ ن دے دعوے اتے چٹے کُوڑ تے پاݨی پھیر ݙتے،دروازہ بھنݨ،زبردستی کتھائیں وی نی نظر آئی،انہاں دی سیاست مُک گئی اے،مسلم لیگ ن ونݙ گئی اے،پیپلز پارٹی دا مقصد وی جانݨدوں،اٹھارویں ترمیم دا مقصد وی نشابر تھی گئے جو اے وفاق کوں کمزور کرݨ چاہندے ہن،پی پی اتے ن لیگ دی سیاست کوڑ ،منافقت ،ریاکاری تے مبنی اے۔او جمعے کوں پی ڈی آئی اچ پریس کانفرنس نال خطاب کریندے پئے ہن۔انہاں آکھیا جو ریٹائرڈ کیپٹن صفدر دی گرفتاری دی سی سی ٹی وی فوٹیج چلی اے،ایں فوٹیج اچ انہاں دے دعوے دے مطابق ترٹا ہوئیا در نی ݙکھیایا گئیا،فوٹیج دے مطابق کیپٹن ر صفر اطمینان نال پولیس دی حراست اچ ہن۔انہاں آکھیا جو مریم صفدر،نواز شریف اتے بئے بارے سپریم کورٹ دا فیصلہ موجود اے،اے لوک مسلسل کُوڑ مریندے پئن۔انہاں آکھیا جو انہاں لوکاں دا ناٹک آپݨی ڄاہ حکومت معیشت کوں ٹکاوݨ سانگے آپݨی توجہ ݙیندی پئی اے،ایں سانگے پاکستان اچ ایکسپورٹ ودھدی پئی ا،پاکستان دی ترسیلات زر ریکارڈ سطح تے ہن،پہلی واری کرنٹ اکائونٹ پلس اچ آگئے۔ہک سوال دے جواب اچ انہاں آکھیا جو اسحاق ڈار کرپشن اتے ڈالر کوں مصنوعی ٹوپی پواوݨ دا ماہر اے،اسحاق ڈار پاروں عالمی سطح تے پاکستان کوں خفت تھئی اے۔
