لاہور۔یکم اکتوبر (اے پی پی)صوبائی وزیرِ اطلاعات فیاض الحسن چوہان ،سابق وزیراعظم نواز شریف ولوں کروز میزائل بارے گالھ کر تے حساس قومی راز افشا کرنڑ تے اپنڑے ولدے اچ آکھیے جو نواز شریف اہم ملکی رازاں توں پردہ چا تے غداری کیتی اے،او اپنڑی ذات دے علاوہ کجھ وی سوچنڑ سمجھنڑتوں فارغ ہین،بطور وزیراعظم قومی راز دا حلف چاونڑ آلے نواز شریف ملک و قوم اتے ریاستی اداریاں توں بغض پاروں حد توں باھروآگین، ہریسے، نہاری اتے عوام دا مال کھا کھا تے انہاں دے دماغ تے چربی چڑھی ہوئی اے ، افواجِ پاکستان، ریاستی و جمہوری اداریاں سودھا کوئی ادارہ شریف خاندان دی الزام تراشیاں توں محفوط کائنی،نوازشریف ہمیشہ ذاتی مفادات پاروں عالمی سطح تے ہمیشہ توں ہی پاکستان کیتے شرمندگی دا باعث بنڑدن۔
