اسلام آباد۔29اکتوبر(اے پی پی)وزیر خارجہ مخدوم شاہ محمود قریشی آکھیے جو ڈی جی آئی ایس پی آر دی ابھی نندن بارے وضاحت توں بئی کوئی گنجائش نئیں رہ گئی، ٹھوس موقف نال گالھ اتے خوشامدانہ پالیسی اچ فرق ہوندے، ایاز صادق دی گالھ بالکل غلط اتے غیر ذمہ دارانہ ہئی جیندے بعد بھارت دا اوہو ایئر چیف وی چوڑا تھی گئے جیکوں اپنڑی ناکامی تے ہٹایا گیا ہا بھل پاکستان ذمہ داری ݙکھاءی ہئی جیکؤں پورے جگ منیے،اساں ہندوستان کوں سبق وی سکھائے اتے کشیدگی مکاوݨ کیتے “دانشمندی ” وی ݙکھائی اے بھل ساڈے اندرو اینجھے لوک ہین جیڑھے دشمن دے بیانیے کوں اگو ودھیندن اتے اے افسوسناک گالھ اے۔ انہاں ہک بیان اچ آکھیے جو ایاز صادق ہنڑ صفائیاں ݙیندے ودن کیوں جو ہندوستان تاں ہمیشہ اینجھے موقعے ڳولیندے،ایویں نہ تھیندا تاں چنگاں ہووے ہا۔
