اسلام آباد۔26نومبر(اے پی پی)وزیراعظم دے مشیر خزانہ ومحصولات ڈاکٹرعبدالحفیظ شیخ آکھیے جو حکومت دی سمارٹ لاک ڈاون پالیسی پاروں پاکستان دی معیشت بحالی دی راہ تے ٹر پئی اے، اے ڳالھ انہاں برطانیہ دے ہائی کمشنر ڈاکٹر کرسٹین ٹرنر نال ملݨ ویلھے آکھی اتے انہاں نال ݙوطرفہ معاملیاں اتے خاص کر کرونا وائرس دی صورتحال تے الایا۔ انہاں برطانوی ہائی کمشنر کوں کرونا نال نبڑن دے اقدامات، معیشت دی بحالی، محروم طبقات دی سنبھال اتے ترسیلات زر ودھاوݨ سودھا براہ راست غیرملکی سرمایہ کاری اچ ودھارے کیتے حکومتی اقدامات ݙسائے۔ برطانوی ہائی کمشنر پاکستان دے شہریاں تے کرونا دے معاشی اتے سماجی اثرات ڳھٹاوݨ کیتے برطانوی حکومت ولوں ہتھ ونݙاوݨ دا یقین ݙیوایا۔
