اسلام آباد۔17نومبر(اے پی پی)وزیراعظم دے مشیر برائے خزانہ ومحصولات ڈاکٹرعبدالحفیظ شیخ آکھیے جو معیشت کیتے ہر پاسوں چنڳیاں خبراں آندیاں پین، جیکر کرونا دی ݙوجھی لھر معایشت متاثر نہ کیتی تاں حالات ٻئے وی چنقے تھی ویسن جیندے کیتے ساکوں ودھ احتیاط ورتݨ دی لوڑھ اے، کوشش اے جو معاشی استحکام دا تسلسل برقرار رکھا ونڄے، پچھلے قرضیاں کیتے اڄوکی حکومت کوں ذمہ دار قرار نئیں ݙتا وںج سگدا، یکم جولائی توں 30 اکتوبر تئیں کوئی قرض نہ ودھݨ مثبت ڳالھ اے اتے حکومت دی وݙی کامیابی اے،مہانگ تے قابو پاوݨ تے ودھ کوشش اے، آءی ایم ایف نال معاملات چنڳے چلدے پین۔ اے ڳالھ انہاں اسلام آباد اچ وزیر اطلاعات و نشریات سینیٹر شبلی فراز نال حکومتی مجموعی اقتصادی کارکردگی بارے پریس بریفنگ اچ آکھی۔ انہاں آکھیا جو حکومت ملک کوں معاشی بحران توں کݙھ آئی اے، ویلھے تے چنقے حکومتی اقدامات اتے پالیسیاں پاروں ازج حالات چنقے تھیندے پین، اے ڳالھ پورا جڳ منیندا پئے خاص کر امدادی ادارے ایندے تے مطمئن ہین اتے ساکوں ہݨ ٻیا قرض گھنݨ دی لوڑھ کائنی، جیکر پچھلے قرض اتے ایندے تے سود نہ ݙیوݨا ہوندا تاں اج حالات ٻئے وی چنڳے ہوندے، ساݙی صنعتی پیداوار، آٹو موبائل، فارما اتے کھاد سازی دی صنعت اچ ترقی ݙٹھی ویندی پئی اے، ٹیکسٹائل دا شعبہ وی کئی سال بعد اڳو تے ودھیے، سٹیٹ بینک دے زرمبادلہ دے ذخائر، محصولات دی وصولی مثالی رہی اے، انہاں اقدامات دا مقصد پاکستان دے لوکاں کوں ودھ فیدہ ݙیوݨ اے۔
