اسلام آباد۔14جنوری(اے پی پی) پاکستان اتے آذربائیجان دا اقتصادی اتے توانائی شعبے اچ ݙوپاسہ تعاون زمینی تے فضائی رابطے ودھاوݨ تے اتفاق کیتے۔ پاکستان اتے آذربائیجان وچال خمیس کوں وزارت خارجہ اچ وفود دی سطح تے مذاکرات تھین۔ پاکستانی وفد دی قیادت وزیر خارجہ مخدوم شاہ محمود قریشی جڈانجو آزری وفد دی قیادت آذربائیجان دے وزیر خارجہ جیہون بیراموف کر یندے پئے ہن۔ مخدوم شاہ محمود قریشی آکھیا جو پاکستان اتے آزربائیجان وچال ہکو سویں مذہبی، ثقافتی اقدار دی بنیاد تے برادرانہ تعلقات ہن۔ شاہ محمود قریشی آکھیا جو میں آرمینیا دے ناجائز قبضہ توں آذربائیجان دے علاقیاں کوں آزاد کراوݨ تے آذربائیجان دی حکومت اتے عوام کوں مبارخ ݙینداں۔ عمران خان دے وژن دے مطابق اساں آذربائیجان نال اقتصادی تعلقات ودھاوݨ چاہندوں۔مذاکرات اچ پاکستان اتے آزربائیجان وچال اقتصادی ،تجارتی ،دفاعی تعاون ودھاوݨ سودھے تعلیم، ثقافت اتے ٹیکنالوجی دے شعبیاں اچ ݙو پاسہ تعاون ودھاوݨ سانڳے مختلف پہلواں تے ڳالھ مہاڑ کیتی ڳعی۔ ݙوہیں وزرائے خارجہ اقتصادی تعاون خصوصی طور توانائی دے شعبے اچ ݙو پاسہ تعاون ودھاوݨ تے زور ݙتا۔
